saqiya tera israr apni jagah..
tere maikash ka inkar apni jagah.. 


tej apni jagah dar apni jagah..
aur haqiqat ka izhar apni jagah.. 


ab khandahr hai khandar hi kaho dosto..
shis mahalon ke asar apni jagah.. 


tur par lakh musa se ho guftagu..
arshe-azam pe didar apni jagah.. 


awwalan haq ne takhliq jiis ko kiya..
sab ke bad us ka izhar apni jagah.. 


mukhtsar ye bata sar bakaf kaun tha..
jit apni jagah har apni jagah.. 


bhai se bhai ke kuch taqaze bhi hai..
sahan ki bich ki diwar apni jagah...!!!

Do you Like this story..?

Get Free Email Updates Daily!

Follow us!